บทสวด วันอาสาฬหบูชา

บทสวด วันอาสาฬหบูชา

Buddha statue
บทสวด วันอาสาฬหบูชา

(หันทะ มะยัง อาสาฬหะปะณามะคาถาโย ภะณามะ เส)
อาสาฬหะปุณณะมายัง โย               สัทธัมโม โหติ เทสิโต
เตนุปปันโน ปะฐะโม สังโฆ              โกณฑัญโญ พุทธะสาสะเน
ธัมมะจักโกติ นาเมนะ                      วิสสุโต จะ ปะวัตติโต
ตัสสัตโถ อัฏฐะโก มัคโค                 จัตตาริ เจวะ สัจจานิ
เอเตสัง เทสะเนเนวะ                      อุปปันนัง ระตะนัตตะยัง
พุทโธ ธัมโม ภิกขุสังโฆ                 สัมปันนา พุทธะสาสะเน
เปเสสิ ภะคะวา สังเฆ                     กาตุง โลกานะ สังคะหัง
ละภิงสุ พะหุกา สัตตา                  โอกาสัง ปัตตุ นิพพุติง
ปัณณะระสี อะยันทานิ                     สัมปัตตา อะภิลักขิตา
ทีปะปุปผาทิหัตถา  จะ                     หุตวา อิธะ สะมาคะตา
ปะทักขิณัง กะริสสามะ                     ติกขัตตุง คะรุเจติยัง
ภะคะวา ปะฏิคัณหาตุ                        อัมหากัง สักการัง อิมัง
ระตะนัตตะยานุภาเวนะ                     ระตะนัตตะยะเตชะสา
สัพเพ สัตตา ปุญญะภาคา                 นิททุกขา นิรุปัททะวา
อะระหันตา ปะพุชฌันตุ                     สะทา โคตะมะสาวะกา
การุญญัญจะ อุปาทายะ                    ภะคะวา ปะฏิคัณหาตุ
สักกาเร อิเม มัยหัง                           หิตายะ จะ สุขายะ จะ
จิรัง ติฏฐะตุ สัทธัมโม                        ตะถาคะตัปปะเวทิโต
สัมมาธารัง ปะเวสสันโต                    กาเลเทโว ปะวัสสะตุ
วุฒิภาวายะ สัตตานัง                         สะมิทธัง เนตุ เมทะนิง ฯ

คำบูชาดอกไม้ธูปเทียน วันอาสาฬหบูชา

ยะมัมหะ โข มะยัง ภะคะวันตัง สะระณัง คะตา โย โน ภะคะวา สัตถา
ยัสสะ จะ มะยัง ภะคะวะโต ธัมมัง โรเจมะ อะโหสิ โข โส ภะคะวา
อะระหัง สัมมาสัมพุทโธ สัตเตสุ การุญญัง ปะฏิจจะ กะรุณายะโก หิเตสี
อะนุกัมปัง อุปาทายะ อาสา ฬ๎ หะปุณณะมิยัง พาราณะสิยัง อิสิปะตะเน
มิคะทาเย ปัญจะวัคคิยานัง ภิกขูนัง อะนุตตะรัง ธัมมะจักกัง ปะฐะมัง
ปะวัตเต ต๎วา จัตตาริ อะริยะสัจจานิ ปะกาเสสิ ฯ

ตัส๎มิญจะ โข สะมะเย ปัญจะวัคคิยานัง ภิกขูนัง ปะมุโข อายัส๎มา อัญญาโกณฑัญโญ
ภะคะวะโต ธัมมัง สุต๎วา วิระชัง วีตะมะลัง ธัมมะจักขุง ปะฏิละภิต๎วา ยังกิญจิ
สะมุทะยะธัมมัง สัพพันตัง นิโรธะธัมมันติ

ภะคะวันตัง อุปะสัมปะทัง ยาจิต๎วา ภะคะวะโต เยวะสันติกา เอหิภิกขุ อุปะสัมปะทัง
ปะฏิละภิ ต๎วา ภะคะวะโต ธัมมะวินะเย อะริยะสาวะกะสังโฆ โลเก ปะฐะมัง อุปปันโน
อะโหสิ พุทธะระตะนังธัมมะระตะนัง สังฆะระตะนันติ ติระตะนัง สัมปุณณัง อะโหสิ ฯ

มะยัง โข เอตะระหิ อิมัง อาสาฬ๎หะปุณณะมี กาลัง ตัสสะ ภะคะวะโต ธัมมะจักกัปปะ-
วัตตะนะกาละสัมมะตัง อะริยะสาวะกะสังฆะอุปปัตติกาละสัมมะ ตัญจะ ระตะนัตตะยะ-
สัมปุณณะกาละสัมมะตัญจะ ปัต๎วา อิมัง ฐานัง สัมปัตตา อิเม สักกาเร คะเหต๎วา อัตตะโน
กายัง สักการุปะธานัง กะริต๎วา ตัสสะ ภะคะวะโต ยะถาภุจเจ คุเณ อะนุสสะรันตา
อิมัง ถูปัง ( อิมัง พุทธะปะฏิมัง ) ติกขัตตุง ปะทักขิณัง กะริสสามะ ยะถาคะหิเตหิ
สักกาเรหิ ปูชัง กุรุมานา ฯ

สาธุ โน ภันเต ภะคะวา สุจิระปะรินิพพุโตปิ ญาตัพเพหิ คุเณหิ อะตีตารัมมะณะตายะ
ปัญญายะมาโน อิเม อัมเหหิ คะหิเต สักกาเร ปะฏิคคัณหาตุ อัม๎หากัง ทีฆะรัตตัง
หิตายะ สุขายะ ฯ

 

เครดิตจาก : www.watpamahachai.net/watpamahachai-74.htm